Դեկտեմբերի 24-ին, Կառավարման և Գործարար վարչարարության ամբիոնների նախաձեռնությամբ, համագործակցության հուշագիր կնքվեց Հայաստանի եվրոպական համալսարանի և «Ակտուալ» ՍՊԸ-ի (Actual Business Partner) միջև։

Actual Business Partner-ը խորհրդատվական և HR աութսորսինգային ծառայություններ մատուցող, իր գործունեության ձևաչափով հայաստանյան շուկայում եզակի ընկերություն է, որը մասնագիտացած է HRM համակարգերի ներդրման, ռազմավարական խորհրդատվության, HR աուդիտի, ինչպես նաև անձնակազմի հավաքագրման և վերապատրաստման ոլորտներում՝ մշակելով և ներդնելով մարդկային ռեսուրսների կառավարման ստանդարտներ՝ հարմարեցված հայկական բիզնես միջավայրին։

Համագործակցության շրջանակում ՀԵՀ ուսանողների և առհասարակ համալսարանի համար կստեղծվեն պրակտիկայի, գործնական ու վարպետաց դասընթացների և համատեղ նախագծերի հնարավորություններ՝ նպաստելով տեսության և պրակտիկայի արդյունավետ համադրմանը։Վստահ ենք, որ ստորագրված հուշագիրը կդառնա արդյունավետ համագործակցության և համատեղ նոր նախաձեռնությունների ամուր հիմք։